Nëntori 2018 do të shënojë një ngjarje të madhe për historinë e kinematografisë shqiptare. Instituti Danez i Filmit (Danish Film Institute) në bashkëpunim me kompaninë filmike SKA-NDAL dhe mbështetjen e Qendrës Kombëtare të Kinematografisë, ka programuar të prezantojë, ne Cinematekën e Kopenhagës regjisoren e mirënjohur shqiptare Xhanfise Keko përmes një triologjie. Ky tribut është i pari që i dedikohet një autori shqiptar me triologji të plotë në një prej tempujve të kinemase botërore, siç është Cinemateka e Kopenhagës. Kjo vëmendje nuk është e rastësishme por rezultat i një udhëtimi të suksesshëm që kjo autore ka arritur të ketë pesë vitet e fundit në cinemateka, festivale, programime dhe distribucione në platforma nga më të njohurat.
Filmi i cili do hapë triologjinë e Xhanfize Kekos më 7-të Nëntor do jetë filmi me suksesin më të madh ndërkombëtar “Tomka dhe shokët e tij”, i pasuar po atë mbrëmje nga projeksioni i një prej filmave më të dashur nga fëmijët “Mimoza llastica”, ndërsa më datë 9-të Nëntor do projektohet “Kur Xhirohej një film”, një ndër filmat më provokues për kohën kur u realizua.
Të tre filmat e regjisores Xhanfize Keko qe do të projektohen në Cinematekën e Kopenhagës, jane në formatin bashkëkohor DCP, realizuar ne Shqiperi, çka e bën të jetë risi për filmat tanë të prodhuar para viteve 90-të. Filmi “Tomka dhe shokët e tij” në sajë të punës së “Albania Film Project” është skanuar dhe restauruar nga Libraria e Kongresit Amerikan, ndërkohë që “Mimoza llastica” dhe “Kur xhirohej një film” në sajë të mbështetjes financiare të Qendrës Kombëtare të Kinematografisë (Shqipëri) dhe Sëeescom (Zvicër) u skanuan në studiot Timeless Recordings-Shai Drori (Israel).
Xhanfize Keko është kineastja e parë shqiptare, që gjatë karrierës së saj 12 filmave për fëmijë me kryevepra si; Tomka dhe shokët e tij, Tinguj lufte, Partizani i vogël Velo, Mimoza Llastica, Beni ecën vetë, Një vonesë e vogël, Kur xhirohej një film, Taulanti kërkon një motër etj. Kupë në Festivalin e Parë për filmin “Beni ecën vetë” në 1976, po për këtë film medalje edhe në Festivalin Ndërkombëtar të Filmit për Fëmijë dhe të Rinj në Xhifoni të Italisë.
