Zëvendëskryeministri Behgjet Pacolli shprehu kënaqësinë që Kosova është pjesë e Samitit të gjashtë shteteve të Ballkanit Perëndimor, i cili, në cilësinë edhe të ministrit të Punëve të Jashtme të Kosovës, po merr pjesë në Londër, në kuadër të Samitit për Ballkanin Perëndimor.

Pacolli i cilësoi edhe një herë si të pavërteta deklarimet e Serbisë dhe homologut të tij Serb, Ivica Daçiç, se disa vende kanë tërhequr njohjet e tyre ndaj Kosovës.

Ai tha se për secilën njohje janë notat verbale dhe se nuk ka asgjë në këtë drejtim. I pyetur nga mediet nëse Daçiç është duke gënjyer, Pacolli tha se nuk e di, por siguroi se Kosova vazhdon rrugën e saj, duke rikujtuar edhe një herë se vet pjesëmarrja në këtë Samit, krahas pesë vendeve të tjera të Ballkanit e dëshmon këtë gjë.

Në kuadër të Samitit dyditësh sot po diskutohet në auditorium të hapur.