Qeveritë në Maqedoni në dy dekadat e fundit e kanë orientuar prodhimin drejt sektorëve me vlerë të shtuar, duke i kthyer eksportet nga burimet natyrore tek prodhimet për industrinë automative. Banka Botërore në një material të posaçëm studimor vlerësoi vendin fqinje si një model suksesi për reformat në orientimin e sektorit të fabrikave drejt vlerës së shtuar.
Për shkak të paketës së re për IHD -të në vitin 2000 filluan që industritë e automobilave të zgjerojnë bazat në Maqedoni. Bazat moderne të prodhimit të orientuara nga eksporti e kanë integruar vendi fiqnjë në zinxhirët e vlerave globale.
Maqedonia tërhoqi me sukses kompaninë Tier 1, Johnson Controls (me bazë në SHBA) dhe Johnson Matthey (Në pronësi të Mbretërisë së Bashkuar) të cilat ngritën njësitë e tyre të prodhimit në Shkup. Johnson Controls hapi një fabrikë prej 40 milionë dollarësh amerikanë atje për të prodhuar komponentët e paneleve elektronike në vitin 2007, dhe Johnson Matthey hapi një fabrikë 70 milion euro për të prodhuar katalizatorë dhe më pas hapi një linjë të dytë me me një investim 60 milionë euro.
Këto dy kompani dominojnë eksportet në Maqedoni. Po tashmë kompani të tjera gjermane, amerikane, dhe kohët e fundit, kompani belge kanë nisur të transferojnë prodhimin e disa komponentëve në Maqedoni, duke zëvendësuar partnerët tradicionalë tregtarë, si Kosova, Bullgaria dhe Serbia.
Hyrjet e IHD-ve në lidhje me sektorin e automobilave janë më shumë se dyfishuar që nga viti 2011, duke rritur eksportet dhe duke krijuar vende pune. Të paktën 15 investitorë të huaj nga industria automative në Bullgari kanë hapur linjat e tyre në Maqedoni që nga viti 2007.
Banka Botërore shprehet se Maqedonia ka punuar në mënyrë aktive për të transformuar ekonominë e vendit dhe për ta vënë atë në një trajektore më e lartë, me rritje të bazuar në teknologji. Për një vend të vogël, pa dalje në det, me një popullsi të vogël dhe një bazë e dobët industriale, ajo ka ditur të krijojë një ekonomi konkurruese të orientuar nga eksporti dhe të integruar në zinxhirët e vlerave globale. /Monitor/
