Kosova zyrtarisht është pranuar në organizatën ndërkombëtare të Frankofonisë.

Shteti është pranuar me statusin e anëtarit të asocuar në këtë organizatë.

Ministri i Punëve të Jashtme, Behgjet Pacolli e ka quajtur sukses të madh të diplomacisë kosovare anëtarësimin në Frankofoni që sipas tij, është më e fuqishmja në botë pas OKB-së.

Kryeministri i Shqipërisë, Edi Rama ka uruar për anëtarësimin e Kosovës në Frankofoni.

“Kosova kalon sprovën e miratimit dhe kthehet nga vëzhgues në anëtar i asociuar i Organizatës Ndërkombëtare të Frankofonisë. Urime Kosovës dhe të gjithë atyre që punuan për këtë votim me rëndësi për ecurinë e shtetit tonë të dytë”, ka shkruar ai.