Pas takimit mes kryeministrit Zoran Zaev dhe kryetarit të BDI-së, përpara shpalljes së emrit të kandidatit për president të premten nga LSDM-ja, Ahmeti në profilin e tij në Facebook ka njoftuar se është arritur marrëveshje për kandidat të përbashkët.

“Sa po përfundova takimin me Zoranin, Kryetarin e LSDM-së, me të cilin arritëm dakordësi për ta mbështetur një kandidat të përbashkët për President të Republikës së Maqedonisë së Veriut. Shpreh bindjen që ky koncept do të gjej mbështetjen e shumicës dërmuese të qytetarëve tanë”, ka shkruar Ahmeti.