Një ngjarje e rëndë tronditi një qytezë të vogël në Zvicër. Një shqiptar, i shoqëruar bashkë me një bashkëkombas dhe një algjerian, ngacmoi seksualisht një adoleshente 15-vjeçare.

Ngjarja u regjistrua në Kreuzlingen.

Adoleshentja italiane po priste që të merrte babain në mbrëmje, kur u regjistrua incidenti. Sapo babai erdhi, adoleshentja njohu sërish keqbërësit dhe i tha atij. Mes babait të adoleshentes dhe shqiptarëve pati një shkëmbim fjalësh. Shqiptarët e dhunuan 59-vjeçarin dhe e kërcënuan me pistoletë.

Kur në vendngjarje mbërriti patrulla e policisë, shqiptarët u arratisën.

Pas një ndjekje të vogël, policia arriti t’i kapte. Një prej shqiptarëve, një 25-vjeçar, nxori pistoletën. Si reagim, policia zvicerane qëlloi në ajër. Ngjarja u mbyll pa pasoja, por shqiptari rrezikon jo pak. Autoritetet ia sekuestruan pistoletën.