Nga Kastriot Dervishi

Që prej majit 1944, diktatori i Shqipërisë Enver Hoxha duhej popullarizuar. Në këtë kohë ai filloi të bëjë fotografi për të marrë pamjen e një komandanti. Pas vitit 1944 kërkoheshin vazhdimisht imazhe për t’u botuar në libra e në albume në të cilat duhet dhënë një variant udhëheqësi e optimist. Për këtë arsye, janë shmangur fotot me bark të madh apo me veshje të rrudhosura. Hoxha deri në këtë kohë nuk kishte qenë i kujdesshëm për veten e tij. Në mjaft foto, xhaketat i ka të rrudhosura, fotot nuk përçojnë entuziazëm, etj. Dhe sjell për ilustrim këtë foto. Vini re krahasimet e kurimit të imazhit të diktatorit. Sfondi i fotos është ndryshuar. Nga pamje natyrale, ka dashur të japë një version dalje nga zyra. Fytyra është zbardhur, xhepat janë hekurosur, rripat janë vendosur drejt, etj. Për të qenë në rregull, yllit të kuq komunist i është shtuar edhe një drapër sovjetik. Fotoja është një prej treguesve se te komunistët propaganda, trushplarja d.m.th., është një element i rëndësishëm pas atij kriminal.