Nga Kastriot Dervishi

Fotografinë e kandidatit për deputet të huazuar nga pamjet e piratëve që mbulojnë njërin sy, e shoqëronte një biografi prezantuese shumë qesharake. Kryetari i kooperativës bujqësore Cakran ishte kandidat për deputet në zgjedhjet e Kuvendit Popullor. Ishte koha e përmbysjeve. Njerëzit e shkolluar ishin futur në burg dhe të palexuarit kishin marrë pushtetin, fatet e atdheut. Ishte koha kur të ishe nga “familje e varfër fshatare” ishte nder i madh. Kështu, pas pjesëmarrjes fakultative në çetën territoriale, hyzmeqari Dane Feçori në maj 1944 doli malit partizan. Në vitin 1950, kjo fletëpalosje biografike i prezantohej tok me arritjet kooperativiste, popullit të Mallakstrës. Ky ishte pushteti popullor.