Të lexosh letrat që na kanë lënë shokët e “luftës nacionalçlirimtare”, do të vësh re se “çlirimi” i vërtetë që ata kanë bërë ka qenë nga ballistët. Lexoni pjesë nga letra e datës 13 qershor 1944, e shtabit të Qarkut të Korçës, për shtabin e Batalionit “Tomori”:

“Në mbrëmë me Batalionin “Hakmarrje” dhe një kompani të Batalionit të 3-të të Brigadës së 3-të, sulmuam Tudasin dhe Gjergjevicën. Ballistët që ishin në Lekas, mbasi lanë 3 të vrarë, ikën nga sytë këmbët. Në Gjergjevicë nuk i gjetëm pasi kishin ikur. Batalioni tuaj, me të marrë këtë letër, të marrë drejtimin për në Voskopojë dhe të godasë armikun ku ta takojë...

Ju mbani lidhje me Batalionin “Hakmarrje” për çdo eventualitet dhe nga ana tjetër, na mbani në lidhje dhe ne, tani për tani në Lavdar dhe më vonë në Gorë. Shpejtoni shokë, që të mos i lëmë ballistët të na mundojnë popullin, se populli po na pret. Sipas lajmeve, vetëm në Shipckë ka pak ballistë dhe në tjetër vendi nuk ka, as në Lavdar, as në Dersnik nuk ka”.