Murat Marta (1942-1989), u dënua dy herë nga regjimi komunist, përfshi edhe pjesëmarrjen në revoltën e Spaçit. Në vitet 1966-1981 vuajti gjithsej 14 vjet, 11 muaj, 27 ditë burgim. Gjatë punës në minierë në Spaç u aksidentua rëndë dhe theu shtyllën kurrizore duke u paralizuar. Me gjithë këtë ngjarje të rëndë, regjimi nuk e liroi nga burgu. Pas disa muajsh e transferoi në Repartin nr.309 Ballsh. Duke qenë se i dënuari ishte në shkallën më të ulët shëndetësore, e liruan sepse “nuk i shërbente as vetes së tij”.