Nga Kastriot Dervishi

Jugosllavia e Titos nuk bënte pjesë te aleatët e mëdhenj të Luftës së Dytë Botërore. Në atë kohë mund të përligjej vendosja e flamujve të shteteve aleate, por vendosja vend e pa vend e fotove të Titos, flamurit jugosllav, etj, tregon vetëm varësinë ndaj tyre. Po ashtu, krahas telegrameve për udhëheqësit e mëdhenj aleatë, kongresi i dërgoi një telegram të posaçëm mareshallit Tito. Kjo është një foto origjinale e kongresit të Përmetit, e paretushuar. Në krah të majtë të sallës lexohet parulla: “Rroftë lufta nacionalçlirimtare e popujve të Jugosllavisë dhe udhëheqësi i saj, mareshali Tito”. Fotogtrafia është zhdukur nga qarkullimi dhe asnjëherë nuk u përfshi në ndonjë libër apo album pas vitit 1948. Falë "miqësisë së madhe" të viteve 1944-1948 u botua vetëm një herë, pikërisht atëherë kur mareshali Tito quhej "miku më i madh i popullit shqiptar" dhe kur At Gjergj Fishta apo Mbret Zog cilësoheshin "shovinistë shqiptarë". Kjo foto nuk gjendet në asnjë arkiv të Shqipërisë. I takon bibliotekave.