Një ngjarje e rëndë është regjistruar në SHBA ku një person ka humbur jetën dhe 20 të tjerë janë plagosur pas hapjes së zjarrit nga dy person të paidentifikuar. Ngjarja ka ndodhur gjatë festivalit të artit në qytetin Trenton në New Jersey.

Forcat e rendit kanë mbërritur menjëherë në vendngjarje dhe në shkëmbim zjarri, kanë vrarë njërin prej agresorëve, ndërsa tjetrin kanë arritur ta prangosin.

Aktualisht po hetohet nëse ngjarja ka sfond terrorist, ndërsa po merret në pyetje agresori që përfundoi në prangat e policisë.

Policia po punon për kapjen e autorit dhe zbardhjen e ngjarjes. Paraprakisht mësohet se ndër të plagosurit është edhe një fëmijë 13 vjeç.