Francezët duket se nuk po e mbështesin planin e Presidentit Emmanuel Macron për të rivendosur shërbimin ushtarak kombëtar deri në fillim të vitit të ardhshëm.

Përkundrazi, shumë e kanë quajtur propozimin e presidentit si një humbje të padobishme të parave dhe madje edhe diçka që sjell propagandën.

Këto ditë, Macron ka tentuar të justifikojë propozimin e tij, duke thënë se shërbimi kombëtar do të nxiste patriotizmin dhe “kohezionin social” midis të rinjve të Francës.

Debatet politike kanë shpërthyer në media, menjëherë pas propozimit të Macron. Plani, i cili ka pësuar një varg ndryshimesh, parashikon që si djemtë ashtu edhe vajzat që kanë mbushur moshën 16 vjeçare të shërbejnë në programin e ndarë në faza vullnetare dhe të detyrueshme.

Detajet e skemës ende nuk janë finalizuar, duke shkaktuar disa konfuzion në atë që saktësisht do të jetë e detyrueshme, koha e saktë dhe përbërja aktuale e shërbimit.

Kostoja e programit vlerësohet të jetë rreth 1.6 miliardë euro në vit. Dhe shumica e perdoruesve të rrjeteve sociale në Francë mendojnë se paratë mund të shpenzohen më mirë për çështje të tjera të rëndësishme.