Shtëpia e Bardhë ka njoftuar nëpërmjet një deklarate se Presidenti i SHBA-ve, Donald Trump, më 25 korrik do të presë kreun e Komisionit Europian, Jean Claude Juncker.

Në deklaratën e Shtëpisë së Bardhë thuhet se çështjet e politikës së jashtme, të sigurisë dhe antiterrorizmit, por edhe ato të rritjes ekonomike, do të diskutohen në këtë takim.

Çështja e tarifave ekonomike pritet të marrë pjesën më të rëndësishme të takimit mes Trump dhe shefit të Komisionit Europian, ndonëse diskutimi do të shtrihet edhe në lidhje me çështje të investimit ushtarak dhe buxhetit për NATO-n.