Marina greke ka publikuar një video gjatë operacionit të shpëtimit në Mati, gjatë orëve të para të mëngjesit të 24 korrikut në periferi të Athinës.
Pamjet tregojnë sesi njerëzit vrapojnë drejt detit për t'u shpëtuar flakëve dhe në pritje të anijeve për t'u larguar.
Të mërkurën anija ushtarake "Elli" u zëvendësua me fregatën "Themistocles" e cila vijoi operacionin e kërkimit në një rreze më të gjerë për gjetjen e personave që ishin shpallur të humbur. Rezulton se 700 persona arritën të shpëtohen me varka gjatë flakëve që përfshinë zonën bregdetare të Athinës, në Atikën Lindore.
Zjarret shkaktuan 82 të vdekur, mes tyre vendas dhe shtetas të huaj.
