Katër persona kanë humbur jetën dhe 11 tjerë janë lënduar rëndë, kur një billboard gjigant u shemb në një rrugë ku dhjetëra vetura dhe motoçikleta po prisnin në të kuqen në semafor.

Njëri nga katër të vdekurit është 40-vjeçari Shivaji Devidas Pardeshi, i cili sapo ishtek thyer nga varrimi i gruas së tij. Tre të tjerët janë identifikuar si Bhimrao Gangadhar Kasar, 70-vjeç, Shyamrao Dhotre, 46 dhe Javed Khan, 45, të cilët mbetën të vdekur në vend kur billboardi përfundoi mbi kokat e tyre.

Ngjarja e tmerrshme ka ndodhur në qytetin indian Mangalwar, ku gjashtë vetura dhe dy motoçikleta janë shkatërruar plotësisht nga presioni i madh i goditjes.

Sipas mediave lokale billboardi ishte planifikuar të largohet nga autoritetet lokale, nga frika se mund të shembet nga erërat e forta dhe themelet e dobëta që i kishte, pasi vazhdimisht luhatej.

Gjykata ka ngritur padi ndaj kompanisë përgjegjëse për mirëmbajtjen e billboardave.