Politika ekonomike e vënë në zbatim nga qeveria populiste në Romë rrezikon ta bëjë Italinë më të ndjeshme ndaj një krize të re besimi të tregjeve, me pasoja më të rënda për më të varfrit, paralajmëroi sot Fondi Monetar Ndërkombëtar (FMN).
‘’Një humbje e mundshme e besimit të tregjeve mund ta detyrojë Italinë në një shtrëngim buxhetor, që do të çonte ekonominë tashmë të dobët në një recesion edhe më të ashpër dhe do të impononte kosto joproporcionale ndaj shtresave më të ndjeshme’’, njoftoi Fondi në raportin vjetor për Italinë, i publikuar sot.
