Presidenti amerikan, Donald Trump parashikoi sot se samiti i tij me liderin koreanoverior, Kim Jong Un do të jetë i mrekullueshëm dhe theksoi se SHBA-ja kërkon denuklearizimin dhe zhvillimin për këtë vend.
“Mendoj se do të kemi një samit të mrekullueshëm. Ne duam denuklearizimin dhe besoj ai do të ketë një vend që do të vendosë shumë rekorde shpejtësie në aspektin e ekonomisë”, tha Trump në një takim me guvernatorët në Shtëpinë e Bardhë.
Ai u nis sot në mbrëmje për në Hanoi, vendi ku do të zhvillohet samiti i dytë mes Trump dhe Kim.
