Forcat ushtarake franceze kanë vrarë 33 militantë në një operacion në Mali.

Këtë deklaratë e bëri Presidentit Emmanuel Macron në një vizitë në Bregun e Fildishtë ku përsëriti angazhimin e Francës për të luftuar xhihadistët në rajon.

Ky operacion erdhi disa javë pasi 13 ushtarë francezë vdiqën në një përplasje me helikopterë në Mali e cila konsiderohet si humbja më e madhe për ushtrinë e saj që nga vitet '80.

Mijëra trupa francezë janë vendosur në Mali që nga viti 2013.

Përfshirja e saj erdhi pasi militantët islamikë pushtuan rajonet e veriut.

Me ndihmën e Francës, ushtria e Malit ka rikuperuar territorin, por pasiguria vazhdon dhe dhuna është përhapur edhe në vendet fqinje.