Janë 423 raste të konfirmuara në Francë, sipas autoriteteve shëndetësore, të personave të prekur nga koronavirusi

Të dhënat u bënë me djie në konferencën e përditshme të enjten në mbrëmje ku u konfirmua se deri më tani, shtatë persona kanë vdekur.

Ndër rastet e reja të të prekurve janë një deputet dhe një shofer autobusi, që jetojnë në zonën pranë aeroportit Orly në jug të Parisit.

Të Premten, presidenti francez u bëri thirrje qytetarëve të vendit të tij të kufizojnë vizitat në shtëpitë për të moshuarit.

“Ne duhet të shmangim sa më shumë vizitat tek të afërmit tanë të moshuar,” tha Emmanuel Macron gjatë një vizite në një azil pleqsh në Paris.

Presidenti Emmanuel Macron tha të enjten se ai besonte se një epidemi e koronavirusit ishte “e pashmangshme”.

Ai paralajmëroi gjithashtu se kjo epidemi do të zgjasë me javë.

Rreth 150 shkolla janë mbyllur tani, duke lënë 45,000 nxënës dhe 3,000 mësues dhe profesorë në shtëpi.

Studentët e gjimnazeve nuk kanë ende lajme nëse ka plan për të anuluar provimet që zhvillohen në maj dhe qershor.