Qeveria spanjolle do të shpërndajë 200 miliardë euro si pako ekonomike për luftimin e efekteve negative të koronavirusit. Ky fakt është bërë i ditur nga kryeministri i Spanjës, Pedro Sanchez. Sipas kryeministrit, shteti do të marrë përsipër që të ndihmojë me pako ndihmëse.

“Nuk do ta lëmë prapa askënd. Shteti do ta marrë përsipër luftimin e shokut ekonomik”, tha kryeministri Sancehz gjatë një fjalimi per mediat. Shefi i qeverisë premtoi se kushdo që është prekur nga koronavirusi mund të llogarisë në përkrahjen nga shteti.

Deri më tani, mbi 100 mijë punëtorë spanjollë e kanë ndërprerë punën përkohësisht dhe mijëra biznese të vogla janë detyruar t’i mbyllin dyert. Spanja, pas Italisë, është ndër shtetet më të prekura në Evropë dhe në botë nga koronavirusi. Deri më tani, në këtë vend janë infektuar mbi 11 mijë njerëz, ndërsa 491 kanë vdekur.