Hunter Biden kishte një spiun në FBI që informonte kinezët (që sponsorizuan ekspozitën e Ramës)

E Enjte, 23 Mars 2023 08:35
Gazeta e njohur amerikane, New York Post, publikoi një shkrim sot ku theksohet se djali i diskredituar i presidentit amerikan, Hunter Biden, kishte një spiun në FBI, i cili informonte partnerët e tij kinezë se ishin nën hetim.

Gazetarja Miranda Devine shkruan se Komisioni i Mbikëqyrjes i Kongresit ka nisur hetimet ndaj këtyre pretendimeve bombastike nga dr. Gal Luft, një ish-kolonel izraelit me lidhje të thella me inteligjencën amerikane dhe kineze.

 
Luft është arrestuar në Qipro, por ai thotë se qëllimi i prangosjes së tij ishte që të mos zbulonte ato që ai di për familjen Biden dhe korrupsionin në FBI.
 

56-vjeçari Luft u arrestua teksa po hipte në një avion për Izrael.

“Jam arrestuar në Qipro me një kërkesë ekstradimi të motivuar politikisht nga SHBA. Ata pretendojnë se jam trafikant armësh. Do ishte qesharake po të mos ishte tragjike. Nuk kam qenë kurrë një trafikant armësh. Departamenti i Drejtësisë po më gropos mua që të mbrojë Joe, Jim dhe Hunter Biden”, tha ai.

Përmes avokatit amerikan, Luft thotë se ka tentuar 4 vjet më parë që të informojë Departamentin e Drejtësisë se kompania kineze e kontrolluar nga shteti, CEFC, ka paguar 100 mijë dollarë në muaj për djalin e presidentit, Hunter Biden dhe 65 mijë dollarë për vëllanë Jim, në shkëmbim që të përdorë lidhjet e tyre me FBI-në për të promovuar nismën kineze “Një brez, një rrugë”.

Luft thotë se presidenti i CEFC, Ye Jianming i kishte thënë se kanë një burim të lartë në FBI, i cili njihej me emrin ‘Një Sy’.

Kompania kineze ka paguar miliona dollarë për familjen Biden. Të dhënat po zbulohen së fundmi edhe nga Kongresi amerikan.

E njëjta kompani ka sponsorizuar ekspozitën e kryeministrit shqiptar, Edi Rama në Hong Kong.

Edhe këshilltari i Edi Ramës, Dorian Duçka ka punuar për kompaninë kineze CEFC. Ky fakt del edhe zyrtarisht në padinë e ngritur ndaj agjentit të FBI, Charles McGonigal.

Para disa ditësh, mediat amerikane raportonin se McGonigal ka bllokuar hetimet për kompaninë kineze CEFC.

Modifikuar më E Enjte, 23 Mars 2023 08:37
Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...