Në fillim të 2018, gazetari i Reuters Alexandre Meneghini udhëtoi në botën e bukur të Antarktidës.

Udhëtimi, i organizuar nga Greenpeace, ishte për të rritur ndërgjegjësimin për një propozim të Bashkimit Europian për të krijuar një zonë të mbrojtur në Antarktidë, duke promovuar një strehë të sigurt ku jeta detare mund të lulëzojë.

Pas një udhëtimi katër-ditor për të arritur në kontinentin e akullt, ekspedita u ndesh me balena, pinguinë dhe akullnajat e mëdha.

Sipërfaqja e mbrojtur detare e Detit  të Weddell (MPA) do të mbulojë rreth 1.8 milionë kilometra katrorë të habitatit natyror për balenat, pinguinët dhe shumë lloje peshqish.

Nëse kjo gjë rezulton e suksesshme, do të jetë zona më e madhe e mbrojtur në planet.

Duke filluar në Punta Arenas, Kili, është përcaktuar një grup pune për të dokumentuar efektet e ndryshimeve klimaterike, ndotjen dhe peshkimin e kafshëve të egra detare.

"Antarktida aktualisht është e mbrojtur nga ‘’Marrëveshja e Antarktikut’’, por ka shumë abuzime me keqpërdorimin e ujërave përreth Antarktidës", tha Tom Foreman, udhëheqës i ekspeditës Greenpeace. "Pra, nuk mund të na humbasë shansi për të mbrojtur këto zona, të cilat janë kaq jetësore për një numër kaq të madh speciesh në kaq shumë mënyra"

"Në kundërshtim me atë që disa mund të mendojnë, Antarktiku është plot jetë. Pinguinë, pulëbardha dhe lloje të ndryshme të fokave dhe balenave mund të shihen në çdo kohë", tha Alexandre Meneghini.