Një vajzë 14-vjeçare, viktimë e përdhunimit ka vdekur gjatë lindjes së fëmijës.

Ngjarja ka ndodhur në Paraguaji, ku abortimi është i paligjshëm nëse shtatzënia nuk përbën kërcënim për jetën e gruas.

Mjekët janë shprehur se vajza ka bërë lindje çezariane pasi ka pasur komplikacione në frymëmarrje.

Gjatë operacionit, ajo ka pësuar tre arreste kardiake dhe si pasojë nuk ka mundur të mbijetojë.

Fëmija është gjallë dhe ndodhet në spitalin Kombëtar të Itaugua.

Drejtori i spitalit Hernan Martinez u tha gazetarëve se vajza ishte shtruar në spital 20 ditë para se të sillte në jetë fëmijën.

"Trupi i një të miture nuk është i përgatitur për një shtatëzani", është shprehur ai.