Ish-presidenti i Shteteve të Bashkuara të Amerikës, George H.W. Bush ndërroi jetë pak ditë më parë, ndërsa shumë miq nga mbarë globi do ta kujtojmë për veprat e mira.

Dy javë pas vdekjes, mediat zbuluan një sekret të ish-presidentit, i cili për dhjetë vite kishte ndihmuar një fëmijë nga Filipinet duke përdorur pseudonim. Me anë të një organizate që përdorte një kishë lokale për të ndihmuar fëmijët e varfër në botë, Bush i sponsorizoi edukimin, aktivitetet jashtëshkollore dhe ushqimin djalit me emrin Timothy, raporton ‘BalkanWeb’

“I dashur Timothy, unë dua të jem miku yt i ri. Jam një burrë i vjetër, por i dua fëmijët. Edhe pse nuk jemi takuar kurrë, unë të dua. Unë jetoj në Teksas, prandaj do të të shkruaj herë pas here. Paç fat. G.Walker”, shkruhej në letrën e ish-presidentit të ndjerë.

Familja e ish-presidentin nuk ishte në gjendje të fliste për këtë, por një zëdhënës për zyrën e George H.W. Bush theksoi për mediat amerikane se letrat e shkëmbyera janë origjinale. Letra u zbuluan fillimisht nga CNN