Studiuesit besojnë se valët mashtruese të larta deri në 100 metra mund të fajësohen për disa nga fatkeqësitë që kanë ndodhur në “Trekëndëshin e Djallit”.

Një skuadër nga Universiteti i Southampton rikrijonte këto “valë stuhie ekstreme” për dokumentarin “Enigma e Trekëndëshit Bermuda”.

Shkencëtarët ndërtuan një model të USS Cyclops, një anije e madhe që u zhduk në trekëndësh në vitin 1918 dhe rezultoi me 309 vdekje – humbja e vetme më e madhe jo-luftarake e jetës në historinë detare amerikane.

Cyclops ishte një anije e përdorur për të transportuar thëngjill në anijet luftarake amerikane gjatë Luftës së Parë Botërore dhe po udhëtonte nga Bahia në Salvador në Baltimore kur u zhduk në vitin 1918, shkruan Metro.uk, transmeton Gazeta Express.
Asnjë gjurmë e ekuipazhit dhe pasagjerëve të tij nuk është zbuluar ndonjëherë.

Dr Simon Boxall, një shkencëtar i oqeanit dhe tokës, tha se Trekëndëshi Bermuda është vendi ku tri stuhitë masive vijnë së bashku nga drejtime të ndryshme për të formuar “valë mashtruese” të mëdha. “Ka stuhi në jug dhe në veri, të cilat vijnë së bashku”, tha ai.

“Dhe nëse ka shtesa të tjera nga Florida, mund të jetë një formim potencialisht vdekjeprurës i valëve mashtruese. Ato janë të pjerrëta e të larta dhe ne kemi matur valë më të madhe se 30 metra”, tha Boxall.

Ai beson se një rritje e tillë në ujë mund të kapë një deri në dy anije. Kjo teori nuk ka gjasa të pranohet nga të gjithë dhe nuk i shpjegon në të vërtetë aeroplanët që kanë humbur në atë zonë.

Vitin e kaluar, një shkencëtar i shquar deklaroi se nuk kishte diçka të tillë si Trekëndëshi Bermuda dhe tha se fatkeqësitë ishin shkaktuar ndoshta nga gabimi njerëzor.