Ka përfunduar seanca e ditës së sotme, ku është shoqëruar me shumë debate mes opozitës dhe mazhorancës.

Deputetët e opozitës, që në nisje, kanë kërkuar lirimin e 12 kuksianëve, që mbahen në burg, pasi janë arrestuar se protestuan kundër vendosjes së taksës për rrugën e Kombit.

Në përfundim të kësaj seance, ish-kryeministri Sali Berisha foli jashtë Parlamentit, teksa deputetët e opozitës nuk kanë lejuar që kryeministri Edi Rama të dalë nga dera kryesore.

Berisha tha se Rama është një frikacak, dhe si i tillë, doli nga Parlamenti nga “dera e nevojtores” (tualetit).

Berisha: Unë kam vetëm dy fjalë. Një përshëndetje të përzemërt, për të gjithë ata që po çojnë lart shpirtin e revoltës. Sot deputetët e opozitës nxorën Edi Ramën, nga dera e pasme e parlamentit. Të gjithë kuksianët, dibranët, veriorët e dinë, se çfarë do të thotë të dalësh nga dera e pasme e Shqipërisë, nga dera e nevojtores. /55News.al/