Ish-Ministri i Drejtësisë Ylli Manjani theksoi pak minuta më parë se oficerit Emiliano Nuhu i dhanë azil sepse e besojnë.
“Institucioni nuk ka funksionuar në këtë rast dhe është turp për shtetin shqiptar që një oficer policie aplikoka për azil dhe e merrka. Këta që japin azilin do të thotë se e besojnë këtë gjë sepse nuk ta japin kot. Çfarë po ndodh këtu? 200 mijë ikin me lotari, 300 mijë ikin sepse nuk kanë të hanë”, deklaroi Manjani.
Ish-ministri i Drejtësisë nënvizoi edhe një herë se reagimi i kryeministrit Edi Rama nuk ishte i duhuri. “Kryeministri duhet të thonte që kjo çështje meriton hetim dhe do të mbyllnim gojën. Jo të thotë “horr” dhe “do të ndjekim këmba-këmbës”, tha Manjani.
