Ish-Presidenti i Republikës Bujar Nishani ka komentuar situatën politike që po kalon Shqipëria në këto kohë. I ftuar në studion e “Byro Politike” Nishani foli për një regjim të diktaturës që po kalon vendi nën pushtetin e  Ramës. Sipas tij ky regjim domosdoshmërish do ti ngjajë diktaturës së kaluar, por shenjat janë të një regjimi totalitar.

Ai komentoi gjithashtu edhe iniciativën e Ramës për paketën anti-shpifje, që sipas Nishanit është e pamundur që të arrihet për shkak të mungesës së votës për të ndryshuar Kodin Penal.

Pjesë nga intervista:

Gazetarja: Si e komentoni situatën politike në vend?

Nishani: Mos prisni të kemi regjimin e diktaturës, por nëse shantazhohet , apo kërcënohet secili [prej njerëzve që reagon, pa dyshim që do të kthehet në një përplasje civile. Ky është një shqetësim qytetar dhe jo deklaratë fataliste. Prandaj unë mendoj se fokusimi i politikës, edhe media për nga definicioni,  është i domosdoshëm për të patur efikasitet.

Gazetarja: Si e shihni paketën anti-shpifje të Ramës?

Nishani: Shejtan budalla. E di pse? Së pari njëherë është një logo për tu fokusuar te një gur që hidhet në lumë sepse nuk ka asnjë mundësi të hidhet në praktikë. E qarët është se nuk i realizon dot ndryshimet ligjore. Njerëzit dënohen vetëm sipas Kodit Penal. E shejtanit është që ai e hedh këtë për të frikësuar të vërtetën.