Deputeti i Partisë Demokratike, Tritan Shehu, ka reaguar pas raportit të fundit që lidhet me mjekësinë dhe largimin e profesionistëve nga vendi ynë.

Përmes një postimi në ‘facebook’, Shehu shkruan se mjekët në vendin tonë janë duke u kthyer në ‘specie në zhdukje’ dhe sipas tij fajtor i kësaj situate është sistemi që ka ngritur Edi Rama.

Deputeti demokrat në shkrimin e tij rendit edhe shkaqet kryesor që po detyron 78% të mjekëve dhe infermierëve në Shqipëri që të largohen nga vendi.

Postimi i plotë:

Mjeket “specie ne zhdukje”, ne nje sistem shendetesor drejt kolapsit.

Se fundmi u publikua se numri i tyre arriti ne 1 mjek per 1000 banore, nivele Afrikano Qendrore keto.

Kjo renie nuk eshte e lidhur thjesht me pagesat, por me “plaget e thella” qe ka ky sistem, duke detyruar edhe 78% te ekzistuesve te pregatisin largimin nga vendi:

1-Sistemi yne shendetesor renditet i fundit ne Europe per "kujdesin ndaj pacientit" me nje varferi ekstreme ne financim e pak elemente sociale, koncentrim te sherbimeve ne pak qendra, numer shtreterish (2,2 per 1000 banore), specialitetesh (reth 200), disa here me ulet se mezataret europiane etj.

2-Nuk artikulohet asnje strategji zhvilluese financuese kontributesh, apo menaxhuese si koncepti “spitali ndermarje”, autonomia institucionale etj.

3-Paresori eshte nje instrument i centralizuar per qellime politike e abuzive.

4-Farmaceutika ka nje liste medikamentesh qe rambursohen disa here me te vogel se ne vendet europiane ne numer e vlere.

5-Siguria medikamentoze eshte cenuar nga prejardhja ne shumice e tyre jashte prodhuesve te “origjines se sigurte”, jo me prioritet cilesine por interesat, nga largimi i kompanive serioze, nga mungesa e nje kontrolli cilesor etj, duke prekur se pari alternativat e para.

6-Mjeket nuk e gjejne vehten ne kete sistem, qe nuk u siguron mjaftueshem nivelin teknik, kualifikimet, nivelin shkencor, teknologjine, “arsenalin” farmakologjik, literaturen, te ardhurat ekonomike etj, si dhe as dinjitetin.

Kolapsi, qe po "troket ne dere" duhet ndaluar, por kjo kerkon ndryshime thelbesore ne te gjithe sistemin dhe jo “makiazhe”!