Kreu i PD-së Lulzim Basha në një takim me ekspertin gjerman Martin Henze foli në lidhje me programin ekonomik të Partisë Demokratike.

Basha diskutoi me kryetarin e komisionit të Transportit në Këshillin Ekonomik të CDU-së për programin ekonomik të PD në kuadër të investimeve në infrastrukturë dhe energji.

Kreu i PD-së deklaroi se bashkëpunimi me Gjermaninë do të vazhdojë dhe se qëllimi është që të ndryshohet sistemi që po keqqeveris vendin.

“Të ndajmë politikën nga krimi. Duhet të garantojmë shtetin e së drejtës. Do të ulim borxhin publik. Të sigurojmë konkurrencën e lirë mes bizneseve.
Ne duhet të trasformojnë vendin tonë, duhet të ndryshojmë këtë sistem që na dëmton. Duhet të bëjmë transformin ekonomik të vendit, bashkë me ndihmën e miqëve tanë gjermanë. Ne punojmë ditë për ditë për vizionin tonë të së nesërmes. Do të vazhdojmë bashkëpunimin me Gjermaninë”, u shpreh Basha.