Sandër Lleshi, i emëruar i Edi Ramës në krye të Ministrisë së Brendshme, kërkon që Arta Marku të hetojë Facebook e ish-kryeministrit Sali Berisha, për të mësuar se kush e informon atë, për publikimet që bën.

Nuk kishte ndodhur më parë që Ministria e Brendshme të kërkonte për të hetuar një faqe Facebook.

Sot Policia e Shtetit, nën udhëheqjen e Sandër Lleshit ka bërë publike kërkesën për të hetuar Facebook-un e ish-kryeministrit Sali Berisha në lidhje me postimet e tij.

Policia thotë se këto janë shpifje dhe nuk është hera e parë. Ndërkohë që të gjithë e dimë se ish-Kryeministri Berisha ka qenë i pari që ka publikuar për herë të parë skandale të jashtëzakonshem të kësaj qeverie.