Nga Paulin Marku

Rendi dhe siguria është kthyer sot, krahas gjendjes ekonomike dhe varfërisë që po rritet çdo ditë, si çështja kryesore që shqetëson shoqërinë shqiptare dhe partneret tanë ndërkombëtare. Aksidente ,vrasje, grabitje, drogë, dhunime, grabitje me maska në qendra qytetesh dhe në mes të ditës, vjedhje të banesave në mënyrë masive po ndodhin kudo në çdo qytet dhe në çdo fshat. Bisnesi dhe bisnesmenet janë vënë në qender të vemendjes dhe goditjes nga grupe të ndryshme të cilët ndoshta edhe me mbeshtetje e suporte politike.Reformat dhe ndryshimet e mëdha në strukturat e rendit nuk kanë sjellë shumë ndryshim në përmirësimin e sigurisë dhe rendit në vend,për jetën e qytetareve të thjeshtë të cilët ndien ende të pa mbrojtur nga shteti I tyre. Nuk me duken normale daljet televizive të ketyreve drejtuesve të lartë duke permendur suksese,arritje kur situate konkrete në terren është krejt ndryshe, ndërkohë që qytetarët kërkojnë zgjidhje për ta rikthyer vërtet Shqipërinë në një vend normal e me standarte të larta rregulli e sigurie. Ndryshimet e shpeshta strukturore,emerimet jashtë kritereve dhe aftësise,politizimi I organeve të rendit krijon fushë të gjerë veprimit dhe shtimit të krimit dhe pasigurisë në vend. Secili duhet të mendojë jashtë politikes se ky vend është i shqiptarëve dhe u perket vetëm atyre. Pa rend dhe siguri ska të ardhme për secilin nga ne jashtë çdo bindje politike.