Është folur prej vitesh për informatorin “Flaka”. Ka qenë subjekt i komisionit të verifikimit të figurës “Bezhani”. Megjithatë, mali lëviz, por Albert Dervishi i dosjes nr.11879, sot drejtor i Rendit në Drejtorinë e Përgjithshme të Policisë nuk lëviz kollaj nga policia. Drejtor këtu e drejtor atje. Dhe ashtu siç është i bindur e i qullët, ai është shërbëtor i kujtdo zotërie që i kërkon atë (shërbimin). Mjafton rastin i tij për të hedhur në kosh e për të mos u marrë fare me të ashtuquajturin veting në polici, një proces farsë dhe i kotë. Teknikat e gazit dhe dalja nga binarët e policisë kanë sigurisht edhe kontributin e tij. Por kjo e fundit ndaj politikanëve të opozitës ishte akoma edhe më e rëndë. Na kujtoi kohët e shërbimeve të posaçme që Dervishi bënte qysh në shkollën e policisë. "Filtra" qëndron gjithnjë në polici.