Ish-kreu i grupit parlamentar i LSI-së, Petrit Vasili, përmes një postimi në facebook, ka analizuar deklaratat e Ramës në lidhje me Integrimin e Shqipërisë në BE. ”Sot s’ka njeri në Shqipëri të mos e ketë mendjen top se me gënjështar kryeministër që deklaroi se në qershor 2019 negociatat ishin punë e mbaruar, Shqipëria nuk ka parë”,-shkruan Vasili.

Postimi i plotë i Vasilit

Ja gënjeshtrat e Edi Ramës për negociatat! Mos përtoni dhe i lexoni vetë. Çfarë ndodhi dje në Berlin me mos hapjen e negociatave, tani e dinë të gjithë. Sot s’ka njeri në Shqipëri të mos e ketë mendjen top se me genjështar kryeministër që deklaroi se në qershor 2019 negociatat ishin punë e mbaruar, Shqipëria nuk ka parë! Lexoni vetë se si gënjente si alabak lagjeje ky kryeministër për gjoja HAPJE IMAGJINARE DHE PER DATA IMAGJINARE dhe çdo koment më tej është kohë e humbur. P.S. Këto deklarime të këtij kryeministri janë shqip dhe nuk kanë as nevojë për këta përkthyesit e shpifur mediatike të tij.

Ja çfarë gënjente në 29 qershor 2018:

“Pas 72 orësh mes dallgëve të brendshme të BE Shqipëria i’a doli të marrë datën për hyrjen në portin e Europës së Bashkuar! Rezultatet e reformave tona bënë që dhe më skeptikët të njohin Meritën e Shqipërisë e të Maqedonisë! Një betejë tejet e vështirë u fitua lufta vijon!” shkruanre Rama në FB.

Ja çfarë thoshte Rama në 13 korrik 2018:

“Është shumë e rëndësishme që tashmë ka një datë për të hapur negociatat formalisht dhe për të nisur punën përgatitore. Ka shumë rëndësi për ne që të futemi në këtë proces dhe të punojmë fort për të arritur rezultate të mira, që kur të futemi formalisht në negociata të kemi fituar kohë dhe të ecim më shpejt”.