Ish-ministri i Drejtësisë, Ylli Manjani, përmes një postimi në rrjetet sociale, u ka drejtuar një pyetje ambasadave të huaja: “Një pyetje kam për të gjithë “dashnorët” e dialogut, më së pari për ambasadat e huaja, kur dhe ku zhvillohet ky dialogu?! Kush e thirri dialogun që s’vajti opozita?!”

Ndër të tjera ai ka komenetuar edhe shtatë letrat që kryeministri Rama i ka drejtuar kreut të opozitës, Lulzim Basha.

“Deri tani dimë që Kryeministri ka shkruar 7 letra, por askund nuk gjendet një informacion i tillë. Pavarësisht se detyrohesh të lexosh përrenj me helm e mllef, prap nuk ka asnjë ftesë me datë, orë e vend për tryezë”,- vijon Manjani në postimin e tij.

Postimi i plotë i Manjanit

Një pyetje kam për të gjithë “dashnorët” e dialogut, më së pari për ambasadat e huaja, kur dhe ku zhvillohet ky dialogu?!

Kush e thirri dialogun që s’vajti opozita?!

Deri tani dimë që Kryeministri ka shkruar 7 letra, por askund nuk gjendet një informacion i tillë.

Pavarësisht se detyrohesh të lexosh përrenj me helm e mllef, prap nuk ka asnjë ftesë me datë, orë e vend për tryezë.

U bë pak bajate kjo puna e dialogut, ku të gjithë e kërkojnë e askush nuk e thërret.

Kësaj në shqip i thonë: m’ka çu nana me la gojën.

P.S. Të paktën ambasadat nuk “shqetësohen” më për shkatërrimin e pronës publike të shqiptarëve, pronë të cilën e paguajnë po shqiptarët edhe kur nuk e shkatërrojnë vetë…

Bash na patën hapë barkun me ato deklaratat se “po shkatërrohet prona publike”, që s’është e shteteve që ata përfaqësojnë…