Kjo pamje trishtuese nuk vjen nga fshatrat e thella, por nga Shkoza e Tiranës. Prindër me fëmijë të sëmurë, me temperaturë, në freskun e këtyre ditëve të tetorit, presin në radhë jashtë kësaj godine - ambulancë, të vizitohen tek mjeku.

Fotografitë janë dërguar nga një banor i zonës, që ia ka dërguar ato ish-kryeministrit Sali Berisha. Dhe Berisha i ka publikuar fotot demaskuese të propagandës qeveritare, me këtë shënim: “Kujdesi shëndetësor për fëmijët në Tiranë, si në ndonjë fshat në zonat më të thella të globit!”