Kryetari i Partisë Demokratike, Lulzim Basha, në seancën dëgjimore me anëtarë të Komisionit për Çështjet Evropiane dhe të Politikës së Jashtme në Bundestag kishte për objektiv kryesor lobimin që Shqipëria të hapë negociatat me Bashkimin Evropian.

Megjithatë sipas kryeopozitarit Basha ky është një mision shumë i pasi CDU/CSU është një grupim shumë skeptik për zgjerimin dhe kritik për hapjen e negociatave. Qëllimi i tyre kryesor që është edhe shqetësimi i tyre madhor ka të bëjë me luftën kundër drogës, luftën kundër korrupsionit dhe reformën ne drejtësi.

“Hapja e negociatave është edhe si një mjet shtesë presioni dhe monitorimi për të intensifikuar luftën kundër krimit të organizuar dhe korrupsionit, zbatimin e vërtetë të Reformës në Drejtësi, të pakapur politikisht, por edhe për çështje të tjera siç është reforma e Administratës Publike dhe Reforma Zgjedhore. Kjo është detyra që kemi sot dhe do të thosha pjesa më e vështirë e misionit këtu në Berlin për të bindur anëtarët e këtij Komisioni që i përkasin spektrit më skeptik për hapjen e negociatave“ – tha ndër të tjera Basha.