Ish-kryeministri Sali Berisha ka reaguar pas vendimit të Akademisë së Nobelit, që i jep çmimin më të lartë për Letërsinë shkrimtarit austriak Peter Handke.
Sipas ish-kryeministrit, Handke është monstër i racizmit, kurse shton se ai është një adhurues i kasapit të Ballkanit Mollosheviçit.
Në fund të reagimit të tij, Berisha i bën thirrje Komitetit të Çmimit Nobel që të shqyrtojë vendimin.
“Një monstër e racizmit Peter Handke, adhurues i kasapit të Ballkanit, mohues i genocidit serb në Bosnjë dhe Kosovë, një Knut Hamsun i Ballkanit, laurohet me çmimin Nobel.
Kjo është një fyerje e rëndë për qindra mijëra viktima të genocidit të xhelateve Millosheviç, Karaxhixh, Mlladiç.
Iu bëj thirrje autoriteteve të Komitetit te Çmimit Nobel të rishqyrtoje vendimin e tij”, shkruan ish-kryeministri në reagimin e tij
