Kryeministri Edi Rama do të niset sot në Bruksel për të bërë përpjekjen e fundit për çeljen ose jo të anëtarësimit të negociatave të Shqipërisë me Bashkimin Evropian.

Pas takimit të djeshëm të ministrave të jashtëm, nesër në 17 tetor, krerët e lartë të BE do të mblidhen në Samitin e radhës ku do të diskutohet për Brexit.Dje çështja e zgjerimit të BE doli nga axhenda pasi Këshilli për Çështjet e Përgjithshme që u mbajt dje në Luksemburg, nuk ra dakord për hapjen e negociatave për dy vendet e Ballkanit Perëndimor.

Vender skeptike i udhëhiqte Franca, por Shqipëria, ka përkrahjen e Gjermanisë dhe Italisë. Këtë e konfirmoi edhe kryeministri Conte në vizitën zyrtare ditën e djeshme në Tiranën.

Vetë kancelarja gjermane Angela Merkel u nis sot në Francë, në një përpjekje të fundit për të bindur presidnetin Macron të lejojë hapjen e negociatave mes dy vendeve. Këto janë orët vendimtare dhe nuk dihet se çfarë takimesh ka planifikuar kryeministri shqiptar përpara kësaj mbledhjeje.