Lëvizjet e fundit të “kamikazit” të Rilindjes, Ulsi Manja, tregojnë qartë se ka qenë dhe është në shërbim të Edi Ramës, si levë `juridike” për të kapur SKAP, gjykatat, institucionet e Drejtësisë. E bërë këtë marifet me e Përgjithshme, me anë të “zgjedhjes” së Arta Markut.
Kryetari i Komisionit të Ligjeve, Ulsi Manja, duke dashur të hedhë poshtë kandidaturën e Presidentit Meta për Gjykatën Kushtetuese, në një prononcim për mediat, u shpreh se pas datës 8 nëntor ka skaduar afati kushtetues i tij dhe letra e kreut të shtetit për KED-në nuk ka asnjë vlerë juridike. Këtu duket qartë plani dhe tentativa e Edi Ramës për të kapur edhe Gjykatën kushtetuese, njësoj si prokurorinë e Arta Markut, e cila po vazhdon ende pas 3 vitesh që të kontrollojë në shërbim të atyre që e votuan, organin e akuzës. Pikërisht në këtë situatë Manja njësoj si atëherë kur zgjodhën Arta Markun, fshehurazi ka prezantuar një tjetër Arta, Arta Vorpsin si “anëtare” e Gjykatës Kushtetuese, pasi sipas tij, Presidentit Meta i kaloi afati 30-ditor për të zgjedhur emrin e dytë nga lista e kandidatëve, që i kishte paraqitur Këshilli i Emërimeve në Drejtësi. Sido që të shkojë kjo çështje madhore, duket qartë se Edi Rama, nëpërmjet “kamikazit” të tij “ligjor” ka një plan për të kapur edhe këtë organ të drejtësisë.
