Ditën e djeshme Shqipëria, bllokoi të gjitha rrugët detare dhe ajrore për pasagjerë që të çojnë në Itali. Kurse ditën e sotme edhe ata udhëtarë që kishin planifikuar që të udhëtonin nëpërmjet tokës me autobusë ose automjetet e tyre, nuk do të munden ta realizojnë këtë.

Kjo pasi Mali i Zi ka vendosur të mos lejojë futjen e autobusëve shqiptarë, që kanë destinacion shtetin italian. Një urdhër i lëshuar në orët e para të mëngjesit të sotëm në doganat e Muriqanit dhe të Hanit të Hotit, kërkon që të mos lejohet futja e autobusëve me pasagjerë që duan të shkojnë në Itali. Në këto kushte do të kthehen pas të gjithë autobusët. Ky vendim është si rrjedhojë e masave të marra dhe nga shtete të tjera, që nga Kroacia e cila ka vendosur karantinimin për 14 ditë të personave që kalojnë kufirin.