Një skandal i vërtetë ka ndodhur mesditën e sotme në doganë e Vërmicës, Kosovë.
Policia kosovare ka ndaluar publicistin Kim Mehmeti dhe familjen e tij.
Sipas publicistit, policia ka ndaluar vetëm atë në kufi, ndërsa ka lejuar të kalojnë të gjithë qytetarët e tjerë.
Policia i ka kërkuar atij, testim e koronavirusit Covid-19.
‘Vetëm unë dhe familja ime u ndaluam në doganë, sepse qytetarët e tjerë po kalonin lirshëm.
I pyeta se kur ka dalë ky urdhër dhe më thanë që ka dalë sot, por nuk më treguan ndonjë dokument’, ka thënë Kim Mehmeti për SYRI TV.
Ndalimi i Mehmetit dhe familjes së tij është bërë ndërsa ata po ktheheshin nga pushimet në Velipojë.
