Agjencia e njohur amerikane e lajmeve “Bloomberg”, në raportimin për votimin e sotëm në Kuvend shprehet se kryeministri Edi Rama ka shpërfillur rekomandimet e BE. Media amerikane shkruan se ky qëndrim i Edi Ramës komplikojë procesin e hapjes së negociatave me BE-në.
Artikulli i plotë në “Bloomberg”
“Partia qeverisëse e Shqipërisë miratoi ndryshimet në rregullat e votimit përpara zgjedhjeve të vitit të ardhshëm duke shpërfillur rekomandimet e Bashkimit Evropian dhe duke komplikuar potencialisht shanset e vendit për të filluar së shpejti bisedimet e pranimit.
Ligjvënësit e Partisë Socialiste të Kryeministrit Edi Rama mbështesin ndryshimet në Kushtetutë që ndalojnë koalicionet parazgjedhore, raportoi të enjten portalin e lajmeve www.albaniandailynews.com. Ndryshimi parandalon që partitë më të vogla të bashkojnë forcat për të bërë fushatë së bashku, gjë që dëmton shanset e tyre për të kandiduar kundër socialistëve mbizotërues. Grupet kryesore të opozitës në vend kanë bojkotuar parlamentin që nga viti 2019.
“Askush nuk e ka këtë sistem të koalicioneve parazgjedhore dhe ne do ta zhbëjmë atë,” tha Rama në parlament para votimit. Ndryshimi vjen pas lavdërimeve nga SHBA dhe Organizata për Siguri dhe Bashkëpunim në Evropë (OSBE) në fillim të këtij muaji për partitë qeverisëse dhe të opozitës në Shqipëri, të cilat arritën një marrëveshje mbi reformën zgjedhore. Kjo çështje është pjese e një listë me 15 kushte që vendi duhet të përmbushë për të filluar bisedimet e pranimit me BE.
“Arsyeja e ndalimit të koalicioneve parazgjedhore është 100% politike,” tha Afrim Krasniqi, kreu i Institutit për Studime Politike në Tiranë. “Një koalicion i madh i opozitës mund të kërcënojë seriozisht mandatin e Ramës në zgjedhjet e vitit 2021, kështu që përmes nismës, Rama synon ta ndalojë atë.”
Shqipëria gjithashtu duhet të adresojë çështjet e financimit të partive politike dhe fushatave, të vazhdojë me reformën në drejtësi dhe të forcojë luftën kundër krimit të organizuar dhe korrupsionit, tha Këshilli Evropian në mars, kur vendosi të japë dritën jeshile për bisedimet e anëtarësimit.
Rama, i cili drejton qeverinë që prej vitit 2013, po përballet me detyrën e rindërtimit të vendit pas një tërmeti nëntorin e kaluar dhe shpërthimit të pandemisë Covid-19”.