Shoqata e Gazetarëve Profesionistë të Shqipërisë ka shprehur solidaritet me gazetarët e RTV ORA pas sulme politike. Kjo shoqatë bën me dije se hetimi nga SPAK i pronarit të medieve, nuk duhet të ndikojë në sigurinë në punë të gazetarëve dhe në politikën editoriale të tyre.
“Shoqata e Gazetarëve Profesionistë të Shqipërisë shpreh shqetësimin e thellë për intimidimin dhe pasigurinë, që kanë përcjellë gazetarët dhe punonjësit e Radio Televizionit Ora me praninë e trupave të armatosura policore në ambientet e tyre. Hetimi nga SPAK i pronarit të këtyre medieve, nuk duhet të ndikojë në sigurinë në punë të gazetarëve dhe në politikën editoriale të këtyre medieve. Shoqata e Gazetarëve Profesionistë të Shqipërisë solidarizohet me punonjësit e RTV Ora dhe i bën thirrje qeverisë, që të garantojë të drejtat e gazetarëve, vazhdimësinë e punës së tyre dhe mosndërhyrje në politikën editoriale”.
