Drejtuesi politik i Partisë Demokratike në Qarkun e Dibrës Kreshnik Çollaku shprehet se Frikën e Ramës nuk e shëron dot mandati i hequr nga Qarku Dibër.

Duke marrë shkas nga debati më i fundit për ndarjen e re territoriale të propozuar nga mazhoranca, Çollaku shprehet se pavarësisht llogarive që ai bën për të marrë mandate në tavolinë, Edi Rama në çdo zgjedhje do të jetë i humbur.
“Ed Rama bëj llogari sa të duash në tavolinë, me zgjedhje në çdo zgjedhje je i humbur.

Lajmi se specialistët e Ramës planifikojnë të heqin një deputet nga Qarku Dibër duke e ulur në 5 numrin e përfaqësuesve të Dibrës në parlamentin e ardhshëm është përçmim racist karshi një qarku e një zone që njihet e dihet se nuk voton majtas.

Rama e di se kurdo të ketë zgjedhje nuk ka më shans të përdorë bandat e drogës e policinë e hashashit.

Jo se ka ndërruar mendje, por se e di se këtë radhë dibranët, matjanët e bulqizakët e kanë ndarë mendjen, faturën do t’ia japin si ta kërkojë kujtdo që do të përpiqet të prekë votat.

Edi Rama është nga ata që i ka frikë faturat.

Edi Rama po ashtu e di se në qark të Dibrës, aty ku vite më parë bëri eksperimentin monstruoz të blerjes së votave… lojëra të tilla nuk i bën dot më. Edi Rama e di se ca gjëra sot janë ndryshe dhe humbjen e ka të pashmangshme dhe të thellë.

Ndaj gjen zgjidhjen tjetër, atë prej frikacaku, i heq një mandat Qarkut Dibër, duke shpresuar si i mbyturi te fija e barit.

Lodhesh kot Ed Rama, me 6 apo me 5 mandate në Dibër nuk i ikën dot dajakut popullor me votë.

Prit e do të shohësh, se dhe ne mezi po presim”, shprehet përmes rrjeteve sociale, Kreshnik Çollaku.