Kandidati i opozitës në zgjedhjet e 14 majit për kryeqytetin, Belind Këlliçi ka denoncuar një tjetër rast abuzimi nga bashkia.
Këlliçi ka postuar një video nga Rr. ‘Kongresi i Manastirit’, ku si rezultat i shqepjeve të UKT-së, rruga gërryhet nga vërshimet e ujërave.‘Rrugët janë paguar me flori nga shqiptarët. Edhe ato pak që i kemi të sakta na gërryhen nga vërshimet e ujërave. Tirana nuk administrohet. Tirana vidhet’, shkruan Këlliçi në Facebook.
Postimi i plotë:
Rrugët janë paguar me flori nga shqiptarët. Edhe ato pak që i kemi të sakta na gërryhen nga vërshimet e ujërave.
Ndodhem në Rr. "Kongresi i Manastirit". Ky është rezultati i shqepjeve të UKT-së që bashkia i quan punime dhe i fotografon si suksese historike.
Tirana nuk administrohet. Tirana vidhet.
Ne duhet ta ndryshojmë Tiranën! T'i japim të gjithë një mundësi vetes të jetojmë në një qytet normal, ku punën e kryebashkiakut ta shikoni në rrugët dhe lagjet tuaja e jo në fotografi të retushuara.
