Rama do t’i besojë SHISH-in zyrtares së shkarkuar në Kosovë

Saturday, 18 Mars 2023 09:44
 
 

Vlora Hysenit, një ish-zyrtare e lartë e Agjencisë Kombëtare te Inteligjencës së Kosovës, e shkarkuar nga detyra nga kryeministri Albin Kurti dhe presidentja Vjosa Osmani, i është besuar nga kryeministri Rama, drejtimi i Shërbimit Informativ Shtetëror. Këtë të premte kreu i qeverisë e ka çuar emrin e Hysenit, këshilltares së tij, te presidenti Bajram Begaj

Kryeministri Edi Rama ka vendosur t’i besojë drejtimin e Shërbimit Informativ Shtetëror, Vlora Hysenit, një ish-zyrtare e lartë e Agjencisë Kombëtare të Inteligjencës së Kosovës, e shkarkuar nga detyra nga kryeministri Kurti dhe presidentja Osmani në 2021, për kontakte te dyshimta me qarqet serbe.

 
 
 

Kryeministri Edi Rama, emrin e Vlora Hysenit ia ka propozuar presidentit Bajram Begaj gjatë takimit të zhvilluar këtë të premte në presidencë, teksa në një reagim në rrjetet sociale është shprehur se respekti që zonja Hyseni gëzon në komunitetin ndërkombëtar të Inteligjencës përbëjnë një garanci për reformimin e SHISH.

 

“Sot i paraqita Presidentit të Republikës propozimin për emërimin e Znj.VLORA HYSENI drejtore e Shërbimit Informativ Kombëtar, me besimin e plotë se përgatitja e spikatur, eksperienca e krijuar në vite dhe respekti që zonja Hyseni gëzon në komunitetin ndërkombëtar të inteligjencës, përbëjnë një garanci të plotë për reformimin e mëtejshëm të shërbimit inteligjent shqiptar”.

Po kush është Vlora Hyseni, të cilën Rama prej shtatorit 2021 e kishte marrë si këshilltare për çështjet e sigurisë?

Vlora Hyseni ka punuar në Agjencinë Kosovare të Inteligjencës, teksa për 4 muaj, nga dhjetori i 2020 deri në prill të 2021 ka qenë në krye të këtij institucioni, deri sa u zëvendësua nga Petrit Ajeti.

Me ardhjen e këtij të fundit të krye të Agjencisë Kosovare të Inteligjencës, Vlora Hyseni u rikthye në postin e zv/drejtoreshës së kësaj agjencie.

Kryeministri Kurti dhe Presidentja Osmani në qershor të vitit 2021 morën vendimin për shkarkimin e Vlora Hysenit nga posti i zv/drejtoreshës së Agjencisë Kosovare të Inteligjencës.

Në njoftimin e lëshuar nga presidenca dhe zyra e kryeministrit nuk është bërë e ditur arsyeja e shkarkimit të Vlora Hysenit, por theksohej se zëvendësdrejtoresha e AKI-së obligohej që ta bënte dorëzimin e të gjitha mjeteve dhe materialeve me të cilat ka qenë e ngarkuar.

Në media në Kosovë për shkarkimin e saj nga ky post, u raportua se shkak ishin bërë dyshimet për kontakte të papërshtatshme me segmente të qarqeve serbe.

Modifikuar më Saturday, 18 Mars 2023 10:02
Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...