Mijëra banorë të Kurbinit, Krujës, Fushë Krujës , Milotit, Thumanës nuk janë dorëzuar duke kërkuar të drejtën e tyre kushtetuese për të pasur akses në autostradën Thumanë-Kashar, një e drejtë e cila është mohuar nga qeveria socialiste dhe autoritetet shtetërore.
Pas 2 muajsh protestë duke bllokuar autostradën Thumanë-Kashar, qindra banorë të këtyre zonave kanë dalë përpapra parlamentit, ku kërkojnë të marrin një përgjigje për kërkesat e tyre legjitime nga deputetët e dhe qeveria.
Kujtojmë se mbi 85 mijë banorë të këtyre zonave janë privuar nga aksesi në aksin kombëtar rrugor Thumanë-Kashar, duke i lënë në mëshirë të fatit, pasi mungesa e hyrje-daljeve në autostradë detyron qytetarët dhe bizneset të shpenzojnë më shumë kohë dhe para dhe si pasojë do sjellë mbylljen e ketyre të fundit.
