Në fakt edhe ta quash plehraxhi, Erion Veliajn do ta vlerësoje, pasi dikur plehraxhinj quheshin ata që i mblidhnin plehrat, ndërsa Erion Veliaj është njeriu që ka mbushur Tiranën plot me plehra, mjaftojnë fotot e ditëve të fundit.

Nga të dhëna zyrtare, por edhe nga informacionet nga Bashkia e Tiranës, vetëm qendra e kryeqytetit pastrohet, ajo zona e dukshme e “Bllokut” dhe zona ku ka lëvizje të rinjsh. 

Mjafton të shikosh “Qytet Studenti”-n, “Rrugën e Elbasanit”, diku më larg, rreth “Unazës së vogël” e më tej, tek “Unaza e kryeqytetit” apo të hysh në lagje do të shikosh kazanët e mbushur me plehra.
Erion Veliaj prishi një kontratë, përpiqet të japë pretekste, më bëjnë presion këta, më bëjnë presion ata, si gjithmonë ai nuk i përballon presionet, për të fajin e kanë subjektet private, por në fakt të gjitha këto janë justifikime.

Erion Veliaj është përgjegjësi për mbulimin e Tiranës me plehra, ashtu siç është përgjegjësi për firmosjen e kontratës me këto subjekte që duhet ta pastronin, pra këta që i bëjnë presion.

Erion Veliaj i ka fiksim plehrat, që të paguajë dhjetëra miliona euro për heqjen e plehrave të cilat nuk hiqen dhe ky nuk është rasti i parë. Ai ka paguar dhjetëra miliona euro për një incenerator që nuk ekziston në Tiranë, dhjetëra miliona euro të tjera ia ka dhënë kompanisë së inceneratorit që duhet ta ndërtonte dhe që nuk e ndërtoi kurrë, nëpërmjet një kontrate për dherat.

Erion Veliaj i ka fiksim plehrat, ndoshta mund të jetë një plehrë politike, mund të jetë një zdroms siç vetëquhet, por askush nuk e ka borxhin të durojë fiksimet e tij për të jetuar i mbuluar nga plehrat, për të jetuar me plehra, për të vjedhur me plehra, të kthejë Tiranën në një kazan të madh plehrash thjesht dhe vetëm për të vjedhur, siç ka ndodhur me dosjen “5D” dhe drejtorët e tij hajdutë.

Ndaj plehraxhiu ndodhet në qendër të Tiranës, në godinën e Bashkisë, e cila në fakt është godina ku është kryetari i organizatës së hajdutëve të dosjes “5D”, njeriu që pagoi dhjetëra miliona euro për inceneratorin që nuk ekziston dhe njeriu që po mbush sot Tiranën me plehra.

Në godinën kryesore, në qendër të Tiranës, qëndron plehra e kryeqytetit, që lidhet me inceneratorë që nuk ekzistojnë, me plehra që nuk hiqen dhe me vjedhjet e drejtorëve dhe bashkëpunëtorëve më të ngushtë që kryetar kanë pasur Erion Veliajn.